INSTITUT YOSH OLIM VA XODIMLARI FAN FESTIVALIDA

2025-yil 17-may kuni Botanika bog'ida O‘zbekiston Respublikasi Fanlar akademiyasi, Osiyo taraqqiyot banki va Jahon banki hamkorligida “FORMULA-2025” nomli keng ko‘lamli ilmiy-ommabop fan festivali bo‘lib o‘tdi. Mazkur festivalda O‘zbekiston Respublikasi Fanlar akademiyasi Fizika-texnika instituti jamoasi ilmiy ishlar bo'yicha direktor o‘rinbosari B.A.Ergashev boshchiligida, yosh olimlar kengashi raisi Q.Musayev, G.U.Xudoyberdiyev, M.Shodmonov, B.S.Radjapov, T.Axtamov, R.Aliqulov va boshqa institut yosh olimlari havo, suv va tuproqda radon miqdorini online monitoring qiluvchi Radonometr qurilmasi, ko'chma kichik va o‘rta quvvatli fotoelektrik qurilmalar kabi ishlanmalari bilan ishtirok etdi. Shu kuni, shuningdek, “Zakovat” intellektual o‘yini ham tashkil etildi. Unda institutimiz yoshlari faol qatnashib, Tashakkurnoma bilan taqdirlandilar. Festival juda qiziqarli va mazmunli o‘tdi. Ishtirokchilarda, ayniqsa yosh o‘quvchilarda katta taassurot qoldirdi.