BISHKЕKDA HALQARO ILMIY-TEXNIKAVIY HAMKORLIK SHARTNOMASI IMZOLANDI

Bishkek shahrida O‘zbekiston Respublikasi Fanlar akademiyasi S.A. Azimov nomidagi Fizika-texnika instituti hamda Qirg‘iz Respublikasi Milliy fanlar akademiyasi akademik Jennbayev nomidagi Fizika instituti o‘rtasida ilmiy-texnikaviy hamkorlik shartnomasi imzolandi. Ilmiy-texnikaviy hamkorlik shartnomasini O‘zbekiston Fanlar akademiyasi Fizika-texnika instituti tomonidan institut direktori prof. X.K. Olimov hamda Qirg‘iz Respublikasi Milliy fanlar akademiyasi Fizika instituti tomonidan institut direktori prof. N.J. Jeyenbayev imzoladilar. Imzolangan halqaro hamkorlik kelishuviga asosan tomonlar o‘zaro manfaatli sohalarda, jumladan qayta tiklanuvchi energiya manbaalari, qattiq jism hamda yarim o‘tkazgichlar fizikasi yo‘nalishlarida birgalikda fundamental hamda amaliy tadqiqotlarni amalga oshirishlari hamda ilmiy-texnikaviy ma’lumotlarni almashishlari ko‘zda tutilgan. Undan tashqari, hamkorlik shartnomasi doirasida ikkala institut birgalikda yuqori malakali kadrlarni tayyorlash, ilmiy seminar hamda konferensiyalar, ikkala tomonga xodimlarni ilmiy safarlarini tashkillashtirish rejalashtirilgan.